الصديقي حسن
“الماتش ديال شباب خنيفرة ضد الخميسات عرى شي حقائق كان شي مسيرين تيجريو باش يطموسها باستغلال النتائج ديال الفرقة لكن بان العكس تماما . اللعايبية داخلين الماتش دايرينو فكروشهم و تتبان لهم الخميسات بحال فرقة ديال الأحياء لكن هجراتو لهم . اللعابة هواة فالعقل” .
“من الببلانتي تقلب الماتش و بدات عليهم الخميسات بالرش حتى وصلتهم 3/0 و قدام الجمهور الكبير لي قدم أفضل ما عندو و كان هو نجم المقابلة . الجمهور أعطى المسيرين علاش تيقلبو و عايق بهم ديال السياسة و التبزنيس كثر من التسيير و رفع عليهم شعارات و دوز مسيجات ياك متفهمهم هاد الأحزاب و السلطة” .
“فالتيران لا تسيير و لا تنظيم . مين جات ديك اللافتة ديال المجلس الإقليمي ديال خنيفرة لي ما أعطى حتى ريال هادي ثلاث سنين و بان كثرة البلانات ديال شي مسيرين لي مطايفين بيناتهم” .
شباب خنيفرة “غراتهم النتائج و غراتهم الأحزاب ديالهم و غراتهم اللعاقة لي داخلة خارجة و مورا الاحتجاج ديال الجمهور و رفضهم لشي مسيرين يكونو فالمكتب الجديد غادي يعقد المكتب جمع عام استثنائي الثلاثاء 27 شتنبر فالتيران و يديرو لجنة مؤقتة للتسيير” .
“فين غادي هاد الكار ؟ شكون الشيفورات؟”
