شاريز المهدي
فاش تكلمت مع الناس ديال أيت فاسكا، في نواحي إمليل، أكثر حاجة شدات الانتباه ديالي هي التشبث والاعتزاز ديالهم بالمنطقة، وهاد الارتباط كيعطيهم قوة وعزيمة باش يلقاو حلول لتحسين عيشهم اليومي. واليوم من بعد ما حفرو البير قاموا بتركيب ألواح الطاقة الشمسية وتجهيزات تقنية لربط 180 أسرة بشبكة الماء الشروب.
الماء عندو أهمية اقتصادية واجتماعية كبيرة، وخاصة فالعالم القروي، وعمل كبير كيتدار باش يتم التوفير ديالو. فهاد الإطار قمت بزيارة لأعضاء جمعية توبقال للري والفلاحة، وهي مناسبة باش نوجه تحية تقدير لسي سعيد وأعضاء الجمعية، للي وحدو الجهود ديالهم وبناو ساقية باش يقدرو يوصلو الماء للي نازل من قمم جبل توبقال للأراضي ديالهم، بصفة منتظمة. بفضل هاد المشروع، 250 فلاح من النواحي ديال إمليل غادي يستفدو، وغادي يتمكنو من تحسين المحاصيل ديالهم.
