[success]المواطن 24-متابعة[/success]
الناس لي كيموتوا بالشوفو (السخان ) ديال الحمام بالمئات كل سنة في المغرب . راه واحد المغالطة كبيرة منتشرة في هاد الموضوع ولي الأسف أغلبية الناس في بالها أن السبب هو تسرب الغاز مع الماء . أولا ماشي تسرب غاز البوطة مع الما لي كيقتل وهذا خطأ مُشاع لأن شركات قنينات الغاز عاملة لهاد الغاز رائحة تُميزه عن باقي الغازات وبالتالي عند اي تسرب الضحية سيشُم الغاز ويفطن ، زائد هو ماكيخنقش غير كيشتعل لا شك أننا جميعا لاحظنا أن كل الوفيات ديال شوووفوو كتكون في فصل الشتاء وحده رغم اننا كاملين كنخدمواه في باقي الفصول ، صيف و ربيع وغيرها ومكيكونشي وفيات ولا حوادث من هاد القبيل علاش ؟؟ لأن بكل بساطة ماشيالشوفو (السخان) لي كيقتل ، لي كيقتل هو الغاز السام احادي أكسيد الكربون كفاش ؟؟؟ المهم كلنا نعرف ان نسبة الأوكسجين في الجو هي 21% وكلنا نعرف ان اي إحتراق كامل ضروري له من أوكسجين باش يكون كامل دبا نربطوا هادشي بفصل الشتاء ؟؟ علاش الحوادث كتكون غير في فصل الشتاء وعلاش الضحية ما كيحس بوالوا حتا كيموت وهو واقف ؟؟ شوفوو كتكون فيه واحد الفلام شاعلة ديك الفلام ضروري ما خاصها الاوكسجين باش تعمل إحتراق كامل والانسان فاش كيكون عامل شوفو فوسط الدار وكيكون فصل الشتاء كيكون الشراجم ومنافد دخول هواء جديد لدار مشدودة لأنه كاين البرد وبالتالي نسبة 21% د الأوكسجين لي فدار كتكون ثابثة وفاش كتشعل نتا شوفوو ديك الفلام ديالو كتبدا تستهلك من ديك 21% ديال الأوكسجين حتا كتقل النسبة أكثر وهنا ديك الفلام مكتطفاش ولكن كدوز تدير عملية أخرى وهي الإحتراق الغير الكامل مع غاز ثنائي اوكسيد الكاربون وهاد الاحتراق الغير الكامل هو لي كيعطينا الغاز السام احادي أوكسيد الكاربون لي ماعندو لا لون لا رائحة لكنه غاز سام ويقتل بسرعة ولي تفادي هذا الأمر وجب اتباع الخطوات التالية؛ تركيب أنبوب تصريف الادخنة للسخان إلى خارج المنزل وضع فتحة تهوية للمنزل صيانة السخان بشكل دوري على الأقل مرة كل سنة إستحسان فتح نافدة أثناء إستعمال السخان ترك نافدة الحمام مفتوحة أثناء الإستحمام..
