اللقطة فاش ناضت مدابزة في ممر مستودع فوزي لقجع في السراء والضراء مع اللاعبين،

أحسن رئيس إتحاد كرة قدم في العالم..

فوزي لقجع في السراء والضراء مع اللاعبين، هاد اللقطة فاش ناضت مدابزة في ممر مستودع الملابس بين يوسف النصيري وعميد منتخب الكونغو و شبكات بين اللاعبين، فوزي لقجع هبط كيجري من المنصة و مشا باش يحمي اللاعبين ديالو و يهدئ الوضع..

ربما غادي يجيكم هذا تصرف عادي ولقطة منطقية، ولكن كاين رؤساء ديال إتحادات كرة القدم لي مكيمشيوش أصلا مع المنتخبات ديالهم وكيرسل غير مسؤول البعثة، وحتا إلى مشا وناض بحال الصداع وتخالطت القضية والله لا تحرك ليك من بلاصتوا..

على العكس فوزي لقجع رجل وطني كيموت على الراية ديال بلادو وكيعتبر هادوك اللاعبين بحال ولادوا، و بكل صراحة هاد السيد هو الحلقة لي كانت مفقودة في كرة القدم المغربية..، رجع لينا الهيبة إفريقيا و بفضل الخدمة و العلاقات مع باقي الاتحادات، و المنصبين ديالو داخل الكاف والفيفا، عطاو للمغرب إضافة كبيرة باش تستقطب العديد من التظاهرات العالمية والقارية، وهذا طبعا بفضل كذلك البنيات التحتية لي خدم عليها ومزال جاي الخير..

كاين لي غادي يقول لقجع كيدير هادشي حيت خدمتوا لي كيتخلص عليها، ولكن كيبقا من أفضل الرؤساء لي دازو فتاريخ الجامعة الملكية وحتى هوما كانو كيتخلصوا لفلوس بدون فائدة وكنا ديما محكورين فافريقيا..