[success]المواطن24/متابعة[/success]
الأسهم ديال مدينة الداخلة طلعت بشكل صاروخي من بعد الإعتراف الأمريكي بمغربية الصحراء و من بعد الخطوة الأمريكية شفنا كيفاش تم الإعلان على مشاريع كتيرة اللي غتغير وجه لمدينة أهم هاد المشاريع هو ميناء الداخلة الأطلسي و اللي حرفيا غيكون هو بوابة المغرب و العالم نحو إفريقيا و أمريكا اللاتينية و المساهم الأول فنهضة الجنوب المغربي ،هاد الميناء مهم بزاااف لبلادنا و الموقع الإستراتيجي اللي غيتبنى فيه ، كيخليه يكون من أهم الموانئ اللي غتستعملها سلاسل الشحن نحو إفريقيا و أمريكا اللاتينية مستقبلا .
يكفي نقولكم بلي هاد الميناء التكلفة دالإنجاز ديالو هي نفسها تكلفة إنجاز ميناء الناظور غرب المتوسط اللي خالق هالة إعلامية كبيرة و غيكون تالث ميناء إفريقي لما غيتم الإفتتاح ديالو بالترتيب على هاد الشاكلة 1- طنجة 2-بورسعيد مصر 3-الناظور المغرب 4- كيب تاون جنوب إفريقيا من فوق هادشي ميناء الناظور غيكون متخصص ف – معالجة الحاويات ( 3.5 مليون حاوية) – تخزين النفط و المحروقات (25 مليون طن) – الفحم الحجري (7 ملايين طن) – المواد الكيميائية أما ميناء الداخلة الأطلسي فغيكون متخصص بشكل كبييير فالتجارة ، الميناء غيكون تخصصو الأول هو معالجة الحاوية و بهادشي غيكون أهم ميناء على الحافة الإفريقية اللي غترتاكز عليه سفن الشحن العملاقة فنقل السلع و الحاويات من و إلا إفريقيا و أيضا الحاجة الواعرة أنه أقرب ميناء إفريقي أوروبي و متوسطي لقناة بناما اللي كيعبرها ما يقارب 14 لألف سفينة سنويا و كذلك للبرازيل و هذي مسألة اللي غتخليه من مصافي الكبار و أغلب سفن الشحن غتستعملو ذهابا و إيابا و غيكون من أهم لرسو وراحت السفن و محطات تغيير ليها و يقدر ينافس بهادشي حتى ميناء طنجة و يتفوق عليه ، حيت ميناء طنجة عندو عديد المنافسين بالقرب منو اما ميناء الداخلة فمغيكونش عندو منافسين بتاتا و غيكون مفروض علي السفن تختارو للرسو و بهادشي المغرب غيكون حاكم 2 مسارات للشحن الأول هو مضيق جبل طارق و التاني هو الحافة الإفريقية و امريكا اللاتينية ، و مع ان مكاينش معلومات دقيقة عليه لكن هاد المقارنات مع ميناء الناظور اللي عندو نفس التكلفة و ميناء طنجة كذلك كتوضح كيفاش غتكون الأهمية ديالو ، من جهة أخرى أهمية الميناء بالنسبة للساكنة هي ففرص الشغل اللي غيوفرها ، فالميناء غيكون مرتبط بمناطق صناعية غتنجز خصيصا باش تصدر منتوجاتها منو ، هاد المناطق الصناعية اللي غينجزها المغرب بنفس المقاربة اللي نجز بها سابقا المناطق الصناعية المتصلة بميناء طنجة المتوسط والحاجة الرائعة أن ميناء طنجة هو البوابة اللي كتصدر منها كل المناطق الصناعية فطنجة و قنيطرا و الرباط و الدار البيضاء و غيرها ، هادشي غيخليك تفهم بلي ميناء الداخلة غيحول المنطقة و النواحي لورش صناعي مفتوووح و اللي غيخلق لينا مئات آلاف مناصب الشغل و خصوصا أنه مرتبط بمشروع (((الطريق السريع تزنيت الداخلة))) و اللي لا يقل أهمية عن مشروع الميناء ، يكفي نقلكم أن تكلفتو كتعادل تكلفة إنشاء الميناء و الطول ديالو كيفوق الألف كيلومتر و بهادشي ممكن نعتابروه من أهم المشاريع اللي كتنجز حاليا .
هاد الطريق اللي غيمهد لثورة فالتبادل التجاري و نقل البضائع و تسريع تنقل الأشخاص بين شمال المغرب و جنوبه و حتى بإفريقيا باعتبار هاد الطريق غيوصل مستقبلا لحدود الگرگرات و بهادشي غيكون المغرب فاتح 2 بوابات على إفريقيا واحد بحري و الآخر بري ، و بالنسبة للأشغال فالميناء تعرض للمناقصة مباشرة من بعد الإعتراف الأمريكي و هادشي كيوضح الرغبة المغربية لتسريع وتيرة إنجاز هاد الميناء و اللي مغتفوتش مدة إنجازه 4 سنوات على أقصى تقدير ، و هنا سؤالي ليكم حسب تقديركم شحال غتكون مساحة الميناء و شنو هو تريتبه بين أكبر الموانئ الإفريقية . تحياتي. المغرب قبل كلشي و لا غالب إلا الله بقلم محمد سليم.
