المواطن24
مشات المحبة لي كانت بين القلوب
مع عصر الفايسبوك والواتساب و اليوتوب
الگلسة مع لحباب بسالت ولات فيها شلا عيوب
والصينية تبكي وحدانية برادها مسوس لا سكر فيه لا طوب
الدرية مزوقة بحال الطعريجة مقادة مع الكام
لمصيفتيش التعبئة والله لقالت ليك حتى السلام
لا حشمة لا حيا كثر من داك الشي ديال الأفلام
التكنلوجيا حاجة مهمة و زوينة خاصنا غير نعرفوليها
نستغلوها في لي نفعنا والخايبة معندنا ما نديرو بيها
ستر الناس يسترك الله منغرقوش في بحر الذنوب
دير الاحترام تاج فوق راسك يخليك غالي و محبوب
