[success]المواطن 24/متابعة[/success]
هادي ربع سنين و انا معقد من الحمام مكنمشيش ليه حيت وقعات ليا فيه واقعة معرفتش واش نضحك ولا نبكي ….. كان نهار جمعة، جمعت حوايجي ومشيت لحمام مع 12 زغبني الله غادي لحمام ديك لوقت، ناس غادين لجامع يصليو الجمعة وأنا غادي لحمام… وصلت للحمام سلمت على داك السيد لي حاضيه خلصتو عطيتو لحوايج وعطاني سطولا ودخلت يا بسم الله. صالة لولة ثانية ثالثة تا وصلت لبرمة، لحمام فيه غير انا بوحدي تكيت وجبدت صابون لبلدي ودهنت راسي كامل ولعبت شوية ديال طراكسيون … بقيت گالس تا قال ليا راسي نتجبد شوية ورجلي نحاول نوصلها لراسي ونديرها ورا عنقي بحال داكشي ديال عيساوى، جبد يا ما تجبد حتى ولات رجلي ورى راسي بغيت نحيدها مابغاتش تحيد، وحلات ليا وشدني كلاكاج فكرشي، تنتجبد باش نحيدها والو، وحلات تماك، تخلعت وليت كنقول الله اسيدي ربي اشمن موت هادي هههههه بديت كنغوت لسيد لي حاضي لحمام وااا سمحم د د د د مع لحمام والصدى تستمع غير ديك مد مد مد هههههههه صافي مالقيت تا حل، بديت تنجر فراسي ونزحف لبرا باش نمشي عندو… غادي وشداتني لبكية وتقصحت فرجلي وكرشي وكنقلب باش نتفك… وصلت لنص ديال صالة الثانية حسيت براسي غادي نغيب هههههههه شويه واحد الراجل كبير هاز السطولا حل باب برجليه ودخل راسو مع الدخلة غنطل عليه من تحت رجلي براسي داير بحال شباكية هههههههه قلت ليه عتقني الله يرحم الواليدين… هو يلوح سطولا وخرج كيجري بسم الله الرحمان الرحيم، ورجع هو وداك لي حاضي الحمام كيطلو عليا و السيد كيقول ليه سير فكو وكيجاوبو راني مموضيش ههههه يحساب ليهم ضاربني شي جن وانا كنت ناوي ندير غير شوية ديال الجمباز هههههههههههههههههههههههه من داك نهار مبقيت مشيت الحمام هههههههه
