[success]المواطن 24/ غزلان حنين[/success]
كشف النجم المصري تامر حسني عبر حسابه الرسمي في موقع فايسبوك عن سر تميز الصورة التي قام بنشرها منذ قليل،مشيرا أنها تذكره بالحلم الذي كان يراوده في مرحلة الطفولة و الذي استطاع تحقيقه بواسطة الصبر و الإرادة و العمل .
و كتب تامر تدوينة مطولة جاءت كالتالي:”يا نهار الشوق على اجمل ناس الصوره دي من تصوير اعلان جديد ليا بس تعنيلي كتير اوي ، عشان كدا حبيت اكلمكم عليها وبعد ما اخلص كلام هتتأكدوا انها تعنيلكوا انتوا كمان هحاول اختصر “.
و أضاف :”من سنين كنت مكان الاطفال الجميله دول بدرس الموسيقى هنا في الكونسير ڤاتوار و لما كان يدخل علينا فنان مشهور كنا بنفرح اوي و بيبقى عندنا حالة ذهول و كنت بقول يارب في يوم من الأيام أكبر وأنجح و ادخل نفس الدخله دي و انا فنان مشهور و اشوف نفس النظرة الجميلة دي في عيون التلاميذ و الأستاذة..”.
و واصل :”الحقيقه اني لما دخلت عليهم شفت نظره أكبر بمليون مره من اللي حلمت بيها ، نظرة حب و بكاء و مثل اعلى و اسأله كتير منهم عن مشواري و فضلت يوم كامل اثناء التصوير بحكيلهم و بشجعهم ، و اتمشينا في كل مكان جوه المعهد درست فيه ولعبت فيه”.
و اختتم :”هقول حاجه و كل واحد يقيسها على مجاله اكتر حد فيكوا هيحب النظره و المعنى اللي في الصوره و هيتمناه و هيتعب له، هو اول واحد هيوصله بس كدا .. نهاركم جميل زيكم”.
